JASMANSYAH

Media Shilaturrahmi, berbagi informasi & Ilmu

Posted by JASMANSYAH pada Agustus 20, 2008

Legenda putri mandalika [sasak version]

Leq jaman laek, araq sopok cerite. Araq dedare inges arane Mandalike. Dedare sine anak ne Raje Gumi Putre Wicaksane. Ia raje sak kuwat. Rakyat ne pada demen leq raje sine sengaq adil, bijaksane, ndah tao leq rakyat ne. Ie ndeq abot-abot datengin rakyat ne tengaq kelem sengaq ie mele taoq uwah sampe mbe rakyat ne makmur.

Ketimaq ne tepu eleq istane, laguq Mandalike ndeq betah eleq to. Ia melet maraq dedare-dedare saq lain. Bekedeq leq luah istane, lalo ojok bangket, mesiram eleq kokoh, kance belajah nyesek. Leq istane, pegawean ne nggak-nggak ne mangan, tindoq, mandiq, maca buku, ngaji, bareng bekedeq kance kedatoq-kedatoq ne. sue-sue ia bosan. Ia melet sugul leman istane.

Eleq sopoq jelo, sewaktu mamiq ne lalo tipaq alas bau menjangan, Mandalike tedoq-tedoq sugul leman istane. Ketimaq ne siliq ie kance prajurit istane, laguq Mandalike ndeq mele kalah. Ie sampe ngancem prajurit agen dendeq ngelapor eleq raje. Sekali ne pade ngelapor, Mandalike bejanji gen nyemateq ie pade.

” Mandalike, dende gen aning mbe ino?” selun-selun suare inaq ne kedengeran.

Mandalike kejut. Ie deq sangke gen kendaitan sugul istane.

” Mmmm… Melet tiang lampak-lampak, inaqku.”

” Ojok mbe? Kanjeq siliq ne epe dende siq mamiq?”

” Inaqku, mun de mele gitaq tiang seneng, mun de mele gitaq tiang bahagie, mbeng tiang ijin sugul leman istane. Tiang mele bekedeq kance batur-batur tiang. Tiang melet gitaq pemandangan leq luah. Kan melet side gitaq tiang ndeq stres. Keh, tiang ndeng ijin sanget, inaqku…” ongkat Mandalike maraq kanak beciq.

Inaq ne mesaq aken leq Mandalike. Ia baruq nyadar. Ternyate, ia uwah miaq bije ne saq solah saq inges jari stres. Ie ndah ndeq setuju bije ne terus-terusan leq istane, ndeq uwah gitaq luah. Sengaq merase ie harus jari inaq saq solah ngajah anak, ahir ne ia ngijinin Mandalike sugul, lampaq-lampaq leq luah istane.

” Matur nuwun sembah sujud, inaq…” sorak Mandalike maraq kanak kodeq.

” Laguq dendeq suwe-suwe aoq, anakku saq solah saq inges?”

” Inggih, inaq…”

Mandalike ahir ne lampaq kance Rehan, batur ne bekedeq eleq istane. Ia bedue, langsung ojoq desa saq araq leq sekeliling istane. Leq desa, lueq dedare sepantaran ie ndah. Mandalike nenaq dedare-dedare repoq sino bekedeq ojoq kokoq. Wah sue Mandalike ndeq uwah mesiram leq kokoq. Ie seneng luar biase.

Nyampe leq kokoq, Mandalike kance batur-batur ne langsung turun leq kokoq saq daot. Aiq kokoq tettu-tettu bersi. Aiq ne ndah seger. Batu-batu kokoq saq araq leq bawaq aiq kegita’an jelas. Bulet, lolat, bideng.

Mandalike kance batur-batur ne mandiq sepuas-puas ne. Ie pade maen siram-siraman. Ia nyelem keto kete. Bulu ne saq belo solah ie tepuang bekerem leq aiq saq bersi seger.

Ndeq araq idap ne, selun-selun jelo uwah tengari gati. Mandalike langsung inget eleq istane. Mamiq pasti uwah uleq mangkin niki. Bahaye!!! Tiang harus jelap-jelap uleq.

” Rehan, uleq teh! Ruene mamiq uwah leq istane mangkin nike. Tiang ndeq mele miaq mamiq sili,” ongkat Mandalike tipq Rehan.

” Aoq aneh! Batur-batur te uleq aoq! Baeh sili mamiq ne Mandalike. Manjuran mun ne sili, ndeq araq bani mejuluin ie.”

Ahir ne Mandalike, Rehan, kance dedare-dedare repoq saq lain, langsung taeq leman kokoq. Nyampe leq atas, selapuq ne pade kejut. Kelambi-kelambi ne pade bueq telang? Araq ape? Sai saq maling ie?

Mandalike langsung nangis. Ie ndeq rani mbayangin mamiq ne saq sili. Ie pasti gen te hukum. Sementare batur-batur ne saq lain pade rame mete kelambi-kelambi. Sang keq ne seboq siq dengan jogang???

Wah sue ne pade bongkah-bongkah rerebu, lolon ampel, ato batu-batu saq araq eleq deket taoq ie pade noloq kelambi. Laguq, ndeq man araq te dait. Ahir ne, Mandalike mutusang agen ne pade uleq bae.

Mandalike tetu-tetu takut eleq mamiq ne. Laguq ie harus belajah betanggung jawab. Ie ndeq mele jari dedare saq lemah ate ne. mudaq nangis. Ie belajah jari dedare saq kuwat. Mun ie gaweq saq salaq, ie harus rani te hukum.

Leq istane, mamiq ternyate uwah dateng. Ie ngetoanin seninaq ne mbe taoq Mandalike mangkin. Laguq seninaq ne berusahe ndeq nenaoq. Ie badaq mamiq ne, Mandalike nane eleq kamar ne kenyeken tindoq. Laguq, mamiq ndeq percaye. Ie langsung ojoq kamar ne Mandalike. Ie bukaq lawang kamar anak semate wayang ne. Tetu, Mandalike kenyeken tindoq…

Satu Tanggapan to “”

  1. SAMMgagah said

    bagus… melestarikan budaya sasak

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

 
%d blogger menyukai ini: